લીફ આર્ટ સ્પર્ધા ..............શ્રીમતી ટી.જી.સંઘવી અને જી.ડી.સંઘવી પ્રાથમિક શાળા તથા શ્રીમતી ગીતાબેન કિરીટભાઈ મહેતા ઉચ્ચતર પ્રાથમિક શાળા જાફરાબાદ

શ્રી જાફરાબાદ કેળવણી ઉત્તેજક મંડળ ,જાફરાબાદ સંચાલિત શ્રીમતી ટી.જી.સંઘવી અને જી.ડી.સંઘવી પ્રાથમિક શાળા તથા શ્રીમતી ગીતાબેન કિરીટભાઈ મહેતા ઉચ્ચતર પ્રાથમિક શાળા જાફરાબાદ ખાતે  તારીખ 03/08/2019 ના રોજ ધોરણ 3 થી 5 ના વિદ્યાર્થીઓ વચ્ચે " લિફ આર્ટ " ( વૃક્ષના પાન પર કળા)  સ્પર્ધા યોજવામાં આવી હતી.જેમાં કુલ 52 બાળકોએ ખુબ જ ઉત્સાહ પૂર્વક ભાગ લીધો હતો. અને તેમની વિચાર અને કલ્પના શક્તિ મુજબ વિવિધ  પ્રકારના વૃક્ષના પાનનો ઉપયોગ કરી પક્ષી , કાચબો, ગણપતિ , ડિઝાઈન વગેરે કલાત્મક નમૂનાઓ બનાવ્યા હતા. આ સ્પર્ધાનું આયોજન કરવામાં શાળાના આચાર્યા શ્રી ચાંદનીબેન કોટેચા અને સમગ્ર સ્ટાફ દ્વારા જહેમત ઉઠાવી હતી.આ સ્પર્ધાના નિર્ણાયક તરીકે શ્રી કુંદનબેન બારૈયા હતા. સ્પર્ધાને અંતે વિજેતા ક્રમ નક્કી કરવામાં આવ્યા હતા.જેમાં પ્રથમ ક્રમે : સોલંકી જીજ્ઞેશ,શિયાળ વંશીકા, શિયાળ કૃપાલી,પઠાણ ઈદ્રિશખાન,  દ્વિતીય ક્રમે : પરમાર હેતવી,ગૌસ્વામી ઓમ,બાંંભણિયા વૈશાલી,  તૃતીય ક્રમે  : સોરઠીયા હુમેરા,ભાલિયા ઋશિકેષ,જાડેજા કોનેન વિજેતા થયા હતા. આ સુંદર સ્પર્ધાનું આયોજન કરવામાં કરવા બદલ  અને વિજેતાઓને નિયામક શ્રી ઠાકોરદાસ રામાનંદી,શ્રી અશોકભાઈ પ્રજાપતિ તથા શ્રી જાફરાબાદ કેળવણી ઉત્તેજક મંડળના ટ્રસ્ટી મંડળે ખુબ ખુબ અભિનંદન પાઠવેલ હતા.